記者日前探訪陳婆婆，她一拐拐前來應門。「我眼矇，雙腳又冇力，所以行得慢啲，唔好意思。」陳婆婆靦覥地說。
84歲的陳婆婆，雙眼患上白內障，早年動過手術，惟視力始終無法完全復原，加上患有骨質疏鬆症，導致雙腿乏力，去年她便試過摔倒致令跌斷左手。「𠵱家我真係好驚再跌，平日喺屋企我都會拎支柺杖，出街、去醫院覆診就要坐輪椅。」
陳婆婆近年身體欠佳，並患上哮喘症，一直堅持自食其力的她，3年前退休，現靠綜援金生活。「我一直都唔鍾意攞政府錢，由後生到老都係靠自己，行行我都做過，老來就執紙皮同汽水罐，不過，近幾年身體真係差咗，唔到我唔退休。」
白髮蒼蒼的陳婆婆，膝下有一名兒子，但其子並不同住，且長期失業，自顧不暇，陳婆婆現與她87歲的表姊同居於房屋署公屋，互相照應。由於兩人同為長期病患者，陳婆婆希望添置一部小型輪椅，方便兩人往返醫院覆診。
「𠵱家我坐緊嗰部輪椅，係同中心借嘅，不過，唔知幾時要收番，而且每個月要畀30蚊，所以好想自己有一部，方便啲。」然而，價值約2千元一部的小型手動輪椅，實非陳婆婆所能負擔，期盼善長伸出援手。
捐款編號：C1374
暖流熱線
電話:29908688
傳真:23702192
電郵:
網址：