有年邁顧客在超級市場購物時，因超市職員疏忽碰跌鋁梯擊中背部受傷，其家人對超市在店內貨架附近隨意擺放鋁梯，令顧客受無妄之災，事後又沒有作妥善跟進及交代，大為不滿。
《蘋果》讀者呂先生投訴稱，他今年七十歲的母親及其妻子，於上月二日早上十時許，到長沙灣元州街元州商場惠康超級市場購物，其母親在貨架前選購食物時，卻無辜受傷。
「我阿媽當時企喺店入面一個對住出口嘅貨架買嘢，突然間背脊好痛，原來放喺出口道門前面，嗰把成八呎高、理貨用嘅鋁梯，俾啲職員碰跌，成把梯拍落嚟，打落我阿媽背脊度，個陣真係嚇到佢好驚，個背脊又瘀又腫，重要即刻叫白車去明愛（醫院）急症室；老人家咁大年紀重要咁樣受苦，我真係好擔心，都唔知會唔會有後遺症！」
呂先生對在人來人往的超市內，職員隨意在貨架附近擺放鋁梯，又疏忽推跌鋁梯，致顧客受傷，即致電惠康投訴，當時職員稱會調查事件，稍後才能回覆；惟他等了兩個星期，惠康職員才致電給他，表示安排醫生為其母親診治。
呂先生大為不滿，「等成兩個禮拜先至覆埋啲咁嘢，有事梗係即刻睇咗醫生啦，唔通等佢調查兩個禮拜先至睇咩？一啲誠意都冇，出事之後重連慰問都冇聲。」
惠康超級市場發言人回覆本報查詢承認，當日有職員經過時，不為意碰倒鋁梯，剛巧當時有顧客經過，才發生是次意外，而此事只屬個別事件。發言人又表示，鋁梯擺放位置並沒有問題。
發言人稱，意外發生後已即時聯絡顧客，並建議其到該公司所指定的醫生處求診，可是顧客表示需向中醫求診，由於該公司指定的醫生不包括中醫，致令情況膠着，現已要求顧客提交其向中醫求診的單據，以便向保險公司索償。 （○四三○○四四）
服務熱線
電話:29908288
傳真:23702192
電郵: