女子組合2R、男子組合Boy'Z和吳浩康（Deep）前晚在九龍灣出席商台音樂會，其中Boy'Z跟穿上短裙的女舞蹈員大跳貼身舞，不時扶着女舞蹈員的纖腰及撫摸對方的屁股，意識大膽。成員Steven亦表演了打非洲鼓，他說：「我之前冇乜綵排，有啲緊張，我好鍾意呢種樂器。」
另外，Boy'Z有份主演的網劇《一起喝采》最近在泰國播映，成員Kenny說：「我哋個化妝師話喺泰國睇到，我覺得好開心，都想開拓當地巿場。」
2R昨日返新加坡探親，Race說：「今晚我請咗細個時湊過我嘅保母嚟睇表演，我覺得我哋好幸運，好多人支持。」至於Deep幼時嗜糖，曾滿口蛀牙，他說：「我好怕睇牙醫，尤其洗牙，會流牙血同水花四濺。我細個時好懶，試過瞓覺前唔刷牙。」
採訪、攝影：李珮洳
