雖然暑假檔期首部大片《狙魔人》上映以來影評唔多好，但係呢部片上周五開畫以來走勢強勁，周末三日票房高收五千四百二十萬美元（約四億二千二百七十萬港元），輕鬆成為票房冠軍，亞軍係青春校園片《玩串校園》。《狙魔人》能夠大收除咗因為睇到眼花嘅特技效果外，都同幾位性感女殭屍好似艾蓮娜安娜恩（ElenaAnaya）造型逼真有關。