香港賽馬會本周五會破天荒喺沙田馬場筵開二百零二席，為二千五百位長者義工搞「馬會愛心萬歲宴」，出席嘅長者義工歲數加埋有成十七萬歲，而獲發嘉許獎中最年長嘅有一百零一歲。
八方噚日見到一位九十五歲嘅義工余佩英婆婆，佢重織咗條冷巾畀馬會主席夏佳理，唔講唔知，原來主席對編織都好有研究，佢話自己年少時都跟媽咪學過。
馬會今次晚宴用盡心機，唔單止為老人家首創一味楊枝甘露布甸嘅甜品，重動用好多人力物力，單係傳菜嘅服務員就要步行一千零八十米，相等於標準足球場徒步二點五圈，真係少啲腳骨力都唔得。
（圖）夏佳理（右）收到余婆婆（左）織嘅冷頸巾，即刻好開心咁戴起佢。 陳國良攝
傳真︰2623-9278
電郵︰