下個月三十號喺美國上映嘅《蜘蛛俠2》係今年暑期檔大片之一，導演森雷美（SamRaimi）日前接受訪問嗰陣，仍然日以繼夜咁同啲CGI繪圖員搞緊套片嘅特技場面，森導演話：「上一集《蜘蛛俠》好成功，今集除咗以特技取勝外，亦更深入描寫主角彼得柏加嘅性格同愛情觀，令套戲更加複雜同成熟。」森導演重話好希望可以執導埋○七年上映嘅第三集㖭。