噚日母親節，財爺唐英年媽媽唐尤淑圻喺香港電台嘅錄音節目用母愛大撐唐英年。唐媽媽話，「好滿意個仔擔任財政司司長嘅表現」，又話個仔唔係腳頭特別好，而係靠佢嘅「努力」。對於自己個仔被視為下一屆特首嘅熱門人選，唐媽媽唔想講咁多，只係話見到現任特首做得好辛苦，又成日俾人鬧，唐媽媽話唔捨得個仔俾人鬧喎！哦，唔捨得啫，將來「祖國」呢位超級母親要借唐唐一用，唐媽媽唔會唔放人嘅。
講到普選，唐媽媽就話雖然好多人唔滿意特首嘅產生辦法，但𠵱家「唔係時候行普選」，因為唔知會選到乜嘢人出嚟，萬一選咗黎明或者Twins，咁點算？唐媽媽連政改都意見多多，睇嚟香港有啲「阿媽治港」！
傳真︰2623-9278
電郵︰