幾個識行識走嘅「石膏像」噚日喺鬧市出現！佢哋有啲蒙上雙眼，有啲戴住口罩，全身白色，造型唔係好友善，不過途人見到不單止唔驚，重紛紛走埋去合照㖭。
唔好以為呢個係為母親節而搞嘅藝術表現，其實係和黃旗下「3香港」嘅宣傳推廣活動至真。班石膏人見人就派紀念品，叫人「睜開慧眼，揭去誤解」，重叫人記得睇3香港今個星期喺電視台推出嘅新廣告。八方知道，3香港上個禮拜已同傳媒講解3G嘅服務質素同網絡覆蓋，今次新宣傳活動嘅口號都係叫人唔好「誤解」佢哋，睇嚟3香港都知道重有好多人對3G服務抱有戒心，𠵱家提升咗網絡質素，自然希望糾正大眾觀感啦。
傳真︰2623-9278
電郵︰