NewBalance開專門店<br>阿葛別注版576做頭炮

NewBalance開專門店
阿葛別注版576做頭炮

有唔少潮友詐型：「滿心歡喜等到NB開專門店，點知返貨咁老正，有欠驚喜度！」不過話分兩頭，打開門口做生意，都要Run佢一輪，等到年尾先睇到真正業績！咁快就詐型似乎太武斷（遲吓會返勁鞋1400及1500）。Anyway，NB再戰江湖到老尖插旗，確實成為潮界熱爆話題，雖則講明唔會有沼澤尚對MT580TN2代賣，但作為香港旗艦店，當然有矚目動作打響頭炮──潮界食腦天王阿葛×NB別注版應運而生，並命名為04.250XAKAKMF，齋睇個名已夠招積！

記者：陳嘉文攝影：楊錦文

翻查歷史，NB並冇生產過一對全黑Tone的576。看官要知阿葛對BlackTone一向情有獨鍾，連佢座駕都要噴到「黑麻麻」至安樂，可見佢幾咁崇尚BlackColour。連576一向是3M反光物料的大「N」招牌Logo，但阿葛版亦企硬要黑色。

阿葛別注576PrototypeCheckItOut！
阿葛話由初辦到家陣你見到呢對，為第3個試辦，屬接近完成之版本，正式生產就係咁（暫未定發行之日）！重有，留意鞋帶部份被阿葛用火燒短咗，皆因佢話原裝帶太長；此外，推出之日更會有獨立靚Packing。

■（限量250對）（未定價）

原型為英版576，阿葛別注版其鞋舌則繡上「04.250×AKAKMF」，250代表限量生產250對；AKAKMF就是AsKnowAs葛民輝之意，而中間的×則代表其公司DoubleXWorkshop咁解。

阿葛：「着NB是緣份！」
阿葛相信着波鞋都講緣份，佢話就以「關刀」為例，鞋頭設計比較窄，故會夾腳，唔舒服！既然唔夾就要撇佢！所以幾潮都死，整定冇緣。反之，NB則提倡「EndorsedbyNoOne」精神，寧願將資金用作發展和改進跑鞋，一於以客仔要着得舒服為大前提。

■鞋身的車線亦經改動，改為其他黑色物料製作。

■以EVA海綿組織加壓、加熱後製成的避震中底，柔輕量且不易變形的C-Cap底。

■阿葛別注與一般英版576亦有分別，反開鞋舌可見M576HKK。

■阿葛有幾愛NB相信毋須多講，睇佢咁多年來都係一條501襯對大橙NB，就知毒癮深！由着爛對大橙1400，到因停產而轉着淺啡英版576可見一斑。

NB做鞋墊起家
自1906年至今，NB將近百歲。最初只是生產鞋墊的小公司，由於鞋墊做得出色，加上運動員提出要求，希望度身訂做運動鞋。1961年，因公司的轉型，NB決定開始生產運動鞋，而首對作品就是Trackster；用上橡膠作鞋底，減少回震，更設有狗牙底，令運動員雙腳更貼地。Trackster的出現，標誌着NB進入量產年代。更陸續發明了許多避震、支撐及改善跑姿的新技術，當中最為人熟知的，當然是「ENCAP」及「N-ERGY」技術。

70's型號320震驚鞋壇！
問世於70's的320可謂是NB的代表作；1975年TomFleming穿着320，在紐約市馬拉松大賽勝出。1976年，型號更被權威跑鞋雜誌《Runner'sWorld》選為5星級跑鞋，而同年亦被TrainingDept選為冠軍跑鞋。踏入21世紀，01年NB再發展了「N-ERGY」系統，採用該系統的1040跑鞋更被RunningNetwork選為最佳跑鞋。而02年，KhalidKhannouchi在倫敦的馬拉松亦穿着M2000，打破自己保持的世界紀錄。