【本報訊】「今年嘅母親節，陪阿媽做義工，去安老院同長者慶祝，覺得過得特別有意思。見到阿媽好開心，我都好開心，開心過請佢飲茶食飯。今年嘅母親節真係好難忘。」葉思明形容，媽媽的身教教他十分難忘。
二十八歲的思明，昨日陪着媽媽與「勵絃樂舍」全女班義工，到九龍城愛德安老院，表演節目讓長者欣賞，又向長者獻上鮮花、送上蛋糕和派發禮物，令幾十名長者笑逐顏開。有長者更喜極而泣，葉媽媽替老婆婆抹去淚水，思明則為老婆婆擦去殘留在嘴角的忌廉。
思明說：「年幼時，阿爸去行船。我同兩個妹妹，主要靠媽媽養大。一家人住喺公屋，家境好窮。
「阿媽冇讀過書，唔識教仔女理論。但係佢以身作則，教識我哋好多做人嘅道理。今時今日，三兄妹都大學畢業，有工做，生活唔錯。」他笑言「平日大家都好忙，諗住母親節同阿媽食晚飯。點知佢參加咗四五個會做義工，諗唔到陪阿媽去做義工，重歡喜過請佢飲茶食飯。」
拿着錄影機「滿場飛」的張小姐，同樣陪伴媽媽一起做義工。張小姐說：「做學生時，冇錢，母親節咪送張卡畀阿媽。𠵱家佢全身靚衫都係我哋買嘅，不過最重要係個份意義。話畀佢知我哋好錫佢呀！」