公關宣傳要度橋，母親節亦係賣點。美聯物業母親節發表新聞稿，好識搞嘢，用「孝順仔買樓孝敬阿媽」嚟宣傳幾宗成交，不過只有其中一單成交勉強算切合主題啫。
據美聯香港仔分行經理姜玉清同八方講，噚日促成一宗南區深灣軒交易，買家係跑馬地換樓客，早前佢已經開始物色新居，噚日同阿媽喺珍寶海鮮舫午膳慶祝母親節之後，一時孝心大發，順道一齊參觀深灣軒示範單位同會所。
母親對景觀及會所感滿意，最後買家順應阿媽意思，購入一個二座高層六百多呎單位，成交價三百零八萬元。
發展商送出一套美鑽，美聯則送四千元燕窩。咁嘅時勢，有個仔喺母親節聽阿媽話買樓，呢位阿媽真係膽大包天，希望三五年之後，兩仔乸唔會因為層樓嘅價格反面啦！
傳真︰2623-9278
電郵︰