謝霆鋒及梁洛施（Isabella）前晚在新城娛樂台灌錄廣播劇《第1位最愛》，霆鋒穿上白色貼身背心到場，問他是否有意要展示胸肌，霆鋒說：「夏天冇理由着皮褸出嚟，我都唔覺自己大隻咗，可能耐冇見。」記者笑問霆鋒的胸肌可否「夾筆」，他說：「咁我做訪問咪要夾咪？」
昨日是母親節，問霆鋒其母狄波拉有否催促他快點結識女友，霆鋒說：「一年裏面有母親節，又有父親節，每個節帶女友出嚟咪好唔得閒？」Isabella則謂羨慕容祖兒可以以十萬元租屋給母親住，她說：「佢可以畀個咁舒服環境媽咪住，我會視佢做目標。」
此外，Isabella與男子組合Boy'Z昨日在奧海城出席「奧海城龍鳳大舞台」活動，她穿上短裙到場，Boy'Z擔心她春光乍洩，所以不用她玩爭櫈仔遊戲。
採訪、攝影：駱華齡、卓美娟