由陳慧琳主演的新片《大事件》，在本月舉行的法國康城影展中，被列入觀摩電影之一，屆時陳慧琳將會盛裝出席，她更希望可以見到偶像荷李活型男畢彼特。
陳慧琳昨日出席在沙田新城市廣場舉行的「遊戲醫好我的心」慈善獎券售賣活動典禮，並獲委任為「智樂兒童大使」，她接過一張由蘇黎世保險送出的「意外保障計劃」八百萬支票。而陳慧琳還在現場與一班小朋友玩彩虹傘遊戲。
陳慧琳有份參與演出的電影《大事件》，最近成為法國康城影展的觀摩電影，問她最想見到哪一位荷李活影星，她說：「梗係BradPitt（畢彼特），佢都有戲參展，不過我唔會去影相，咁戇居，我遠觀就得！」陳慧琳透露目前正為揀衫一事傷腦筋，她說：「我諗都係着晚裝，𠵱家搵緊贊助，唔知會幾性感，前面一定唔會，後面有啲可能。」
提到昨日母親節，問陳慧琳如何慶祝，她說：「我都要去上海做嘢，咁我就安排媽咪呢段時間去，順便一齊慶祝，我今日做完呢個活動就會飛去上海會合媽咪、爸爸、細佬同家姐，媽咪其實一早就去咗上海，話要去觀光，我有嘢做就遲少少會合，我亦已經一早安排好，我一落機就會一齊去食飯，飯店都book咗，呢次去上海係我請，就係送畀媽咪嘅禮物。」
採訪、攝影：楊潔雯
