鍾鎮濤女友范姜素貞將於八月初嘗做母親的滋味，這位準媽媽昨日帶同B女與胞妹等一行四人，於太子大廈選購嬰兒用品，B女對各樣嬰兒用品都甚感興趣。
在買了幾件嬰兒衫後，范姜一行人到了擺花街一間意大利餐廳，原來阿B早在該餐廳等待，一家人同吃午飯敍天倫。
事後阿B在電話中說：「我哋唔係慶祝母親節，聽日先係嘛，我見呢幾日得閒，咪一齊出街行吓、食吓飯囉。」問阿B如何過母親節，他說：「我聽日會打電話畀我媽媽囉，孝順父母日日都要做㗎啦，點止母親節呀。」
范姜則謂：「我好少喺媽媽身邊，所以成日都同佢通電話，𠵱家就快做人媽媽，反而唔係諗自己做母親要點過，而係好掛住我媽媽，希望佢過得開心，我亦更明白媽媽為我哋付出唔少，懷胎十月都夠佢受啦。」