今日是母親節，前日和昨日城中已有一連串慶祝活動，藝人如陳鍵鋒和曹敏莉等，紛紛陪母親亮相玩遊戲。這佳節最忙碌和收穫最豐富的，可算是連走幾場兼獲贈金像的薛家燕；而最不開心的是剛為人母的許秋怡，因她的母親患癌，令她在母親節百感交集。
許秋怡前晚與夫婿王書麒出席無綫《全心傳頌母親恩》時說：「我阿媽近日發現患癌症，返到屋企上二樓見到個仔，落到樓下就見到阿媽病得好重，為咗照顧阿媽同個仔，我每日瞓得幾個鐘，出埠做嘢都唔敢，因為試過一次我喺第二度打電話返屋企，阿媽竟然唔記得我。以前我拜觀音就話希望阿媽早日康復，但𠵱家就希望觀音唔好再要阿媽受咁多折磨！」
薛家燕（好姨）在母親節前一連出席多個活動，忙到唞不過氣，如前晚與兒子耀庭和細女耀珠出席無綫活動時，好姨透露耀庭明年會到外國讀書，所以要更珍惜現時與子女的相處時間，當好姨表示希望子女不要太早結婚時，耀庭竟說：「吓，睇情況，講唔埋㗎喎！」嚇得好姨退後幾步。而昨日好姨出席黃埔「全能好媽媽大日子」活動時，獲金至尊贈送價值八萬元的「至尊好媽媽」金像，收穫豐富。
曹敏莉過去兩年因工作忙碌，無暇與母親慶祝佳節，今年母親節不用開工，所以便計劃與母親吃晚飯好好補償，與此同時，她又與胞姊親手做了一個朱古力蛋糕給母親品嘗，曹敏莉說：「我哋特登做一個唔甜嘅蛋糕畀媽咪食，因為佢唔使食都咁甜。」
陳鍵鋒平時叫母親做「肥妹」，母子十分老友，前晚他母親為免兒子失威，特地悉心打扮一番，沒料到卻被兒子當眾潑冷水說：「我從來未見過佢化妝化到咁『行』，佢個頭set到成個龍珠頭咁！」對於林峯早前蒲夜總會，問陳鍵鋒可會小心言行？他說：「我一向都好小心，尤其係最近做咗交通安全大使，揸車同過馬路都會份外小心。」
採訪、攝影：卓美娟、王崇穎
