今日是一年一度的母親節，容祖兒日前便一盡孝道，以新落地的四十萬豪華van載同媽咪到銅鑼灣飲茶購物，祖兒除送給媽咪八千元靚衫外，更執筆多謝媽媽對她的愛。
容祖兒今日要在工作中度過母親節，故日前她抽空由司機駕着豐田豪華van載母親及助手同往銅鑼灣購物，兩母女齊齊揀選衣服，祖兒還不停給母親意見，二人在商店內試鞋又試衫，祖兒母親購下一些夏天裝束，並由祖兒負責結帳，埋單合共八千多元，之後她們到了一家印度餐廳醫肚，然後再折返時裝店取回一大袋衣服才離去。
今天是母親節，未知祖兒媽咪對寶貝女有何叮嚀？祖兒媽咪前晚在電話中說：「切忌入廚房，我驚佢燒咗間屋，之前佢試過搞到漏煤氣，又試過將個煲蓋放喺開着嘅爐頭上面，成個煲蓋都燒爛咗，佢好大頭蝦。」
問她最希望女兒做甚麼？祖兒媽咪說：「佢工作好忙，但一有時間就陪我行街飲茶，我已好開心。」
祖兒日前在尖沙嘴接受本報訪問時則說：「我好希望可以有多啲時間陪媽咪，同佢多啲傾偈。媽咪𠵱家學緊好多嘢，識咗好多朋友，佢以前為我付出同犧牲太多，佢呢份愛，我好難報答。」
而祖兒更親自執筆以文字表達對母親的心意，信中她說：「你的樣子雖然是永遠的楚楚可憐，惹人憐愛，受人保護，但其實一直被保護、被寵愛的是我，有你在，我有一股莫名的安全感，你是我的最強後盾！」
此外，祖兒昨日於港台接受訪問時表示將於幾個月後搬新居，她說：「間新屋都係啱啱搵到，舊屋就睇吓有冇人買啦。」
採訪：朱倬誼、蔡如育
攝影：娛樂突發組、陳慧安
