今天母親節，對於一群身兼父職的單親媽媽來說，感受特別深。蘋果日報慈善基金日前獲尖東帝苑酒店慷慨贊助，招待21名單親媽媽及其子女免費享用自助餐，預祝母親節，共享節日溫馨。
日前中午，10個家庭一行21人，浩浩蕩蕩抵達尖沙嘴帝苑酒店，各人懷着興奮心情，準備吃一頓由該酒店贊助的豐富自助午餐。
「嘩，有好多嘢食，有壽司、通心粉、又有咁多靚蛋糕，泳詩想食乜嘢呀，媽咪攞畀你啦！」自從丈夫去年7月意外喪生後，蔡太便與女兒泳詩相依為命，兩母女日前難得暫忘傷痛，一起出席聚餐活動。
今年是蔡太痛失摰愛後的第一個母親節，她感觸良多。「我記得上年老公同囡囡請我出街食飯，佢過身之後，我以為今年唔會再有人同我慶祝母親節，點知今日有咁多人陪我一齊過，我覺得好開心。」38歲的蔡太，丈夫為建築工人，去年不幸遇上工業意外喪生，她現與5歲女兒靠微薄積蓄過活，遇上一席美食，兩人吃得津津有味。
另一位單親媽媽馬太表示：「我兩個仔女知道今日有自助餐食，不知幾興奮，平日我哋好慳，經常即食麵、白粥又一餐，冇辦法，一個女人湊住兩個細路，要睇住荷包做人。」
29歲的馬太，原本擁有一個幸福家庭，丈夫為貨車司機，一家四口樂也融融。可惜，半年前癌魔奪去其夫的性命，遺下馬太與兩名年僅5歲及3歲子女頓失所依，現靠綜援金生活。
帝苑酒店公關經理陳杏明表示：「酒店方面好支持蘋果基金今次慶祝母親節活動，所以特別招待一班單親媽媽同小朋友免費享用自助午餐，希望佢哋享受節日歡樂，同時感受到社會人士嘅愛心關懷。」帝苑酒店更向在場每一位偉大母親致送一張美容護膚禮券，令她們驚喜不已，異口同聲地說：「今日好開心、好難忘，多謝晒。」
暖流熱線
電話:29908688
傳真:23702192
電郵:
網址：
