飛哥自從頂咗大班晨早節目主持人份工做之後，轉眼又一個禮拜，佢話已經同大班講，叫佢快啲返嚟執番個攤，因為好多人鬧佢。
其實飛哥邊怕人鬧，聽講佢上場之後，每朝嘅收聽率唔知幾高，廣告商都好滿意。雖然大班冤情大使嘅形象深入民間，但係飛哥比較講理，唔會自己講晒，一樣受歡迎。
飛哥話，接咗呢份差事，周日至周四就冇得去夜街，八、九點上床，五點起身，六點返到商台，睇晒啲報紙做撮要，就差唔多要開咪。佢重話，自己同大班作風不同，唔會將林旭華同梁文道當係慢打鑼大配角，三個主持都有得講。
飛哥言論一向出位，上次點當奴個名搞到滿成風雨，重被人話佢「踐曾保唐」，佢一笑置之。佢聲明在先，係以個人身份唔係人大身份做節目主持，如果有人唔鍾意佢講嘅嘢，都冇法。
（圖）飛哥開咪之後，日日都要早睡早起，身體一定愈嚟愈fit。
傳真︰2623-9278
電郵︰