相信唔少人都好似八方咁，周不時接到啲無厘頭嘅公司打電話或者寄信嚟推銷產品或者服務，當中唔少可能係你幫襯嘅一啲公司畀你嘅資料對方，個人資料私隱專員公署最近針對呢啲「跨業直銷」，推出一份指引，教啲公司聯合促銷時點樣保障客戶資料。
私隱專員鄧爾邦噚日喺佢哋搞嘅保障資料主任聯會會議上，就自爆自己亦曾經身受其害。佢話佢試過收到間美國墳場公司打電話嚟向佢推銷墓地，重撞正新正頭大年初一。原來佢係美國一間財務機構嘅卡主，間公司同墳場公司搞聯合促銷，真係大吉利是。
出席同一場合嘅商業罪案調查科女總督察庾燕青就話，試過成枱差人食飯，其中一個夥計將件西裝掛喺椅背，結果俾人偷去銀包，都算係老虎頭上釘蝨乸。
傳真︰2623-9278
電郵︰