荷李活新一代型男曉治積曼（HughJackman）主演嘅新片《狙魔人》，噚日先喺美國正式公映，到底票房掂唔掂，我大口羅拉同曉治一樣都好關心。無論點都好，佢呢排同女主角姬蒂碧金素爾（KateBeckinsale）都好忙碌咁宣傳，前日佢哋就去紐約杜莎夫人蠟像館，當曉治見到個出爐狙魔人蠟像嗰陣，就企埋去合照，十足十個大細路咁，不過睇落個蠟像重型個真人噃！