何韻詩昨日往中環，出席ChristianDior新店記者會。談到獲Dior看好，於昨晚舉行的「DiorStar」派對上獨挑大樑演出半小時，何韻詩坦承不多不少與師傅梅艷芳有關係，她會演唱國語、英文、法文及廣東歌，壓力甚大。
何韻詩、泰國藝人SirisukhaKhemupsorn和代表護苗基金出席的施南生等，昨日到超級名牌ChristianDior的中環全新旗艦店出席記者會，何韻詩更會於昨晚舉行的「DiorStar」派對任演出嘉賓。
盛大的「DiorStar」派對旨在展示龐大亞洲區的明星力量，出席派對的亞洲區巨星除了有F4的周渝民（仔仔）、大S（徐熙媛）、韓國的BoA、朴志胤外，其他出席的前輩級明星還包括潘迪華、張艾嘉及葉德嫻等。
獲Dior委以重任在派對上演出半小時的何韻詩，昨日以一身Dior新裝出席記者會，她說：「今次係第一次同咁大個牌子合作，為咗配合Dior嘅國際化形象，今晚（即昨晚）我會唱廣東話、國語、英文同法文歌，壓力真係好大，人哋咁大個牌子睇得起我，我真係意外又開心。」
問何韻詩這次被Dior選中，與其師傅梅艷芳有沒有關係？何韻詩說：「呢個係其中一個原因啦，我都希望可以接得到梅姐棒，做一個出色嘅藝人。」
另外提到徐濠縈懷孕一事，何韻詩說：「我都係睇報紙先知道，希望呢個小Eason冇大Eason咁奀皮啦。」
而施南生被問及早前她為張國榮及梅艷芳設置骨灰龕，被梅媽痛罵，昨日她說：「真係唔想回應，我一向做事係根據程序同規矩嘅，包括處理張國榮先生同梅艷芳小姐嘅喪禮，成件事都好透明。不過梅媽畢竟係個八十歲嘅老人家，佢心情唔好我明白。」
採訪：RitaLeung
攝影：ChenWaiOn
