又到母親節，大家都不期然諗起眾人媽打李麗娟，原來媽打噚日已經飛咗去加拿大同八十七歲高齡嘅李媽媽祝壽。
李麗娟侍母至孝就係人都知，八方聽聞，佢嘅兄弟姊妹都會盡量抽空赴加，一家人聚一聚。臨走之前，媽打於上周六已經探訪過兩個沙士家庭，同佢哋預祝母親節。
講開去楓葉國，原來媽打上司何志平已先行一步，以香港芭蕾舞代表團團長嘅身份率團抵達多倫多作官式訪問，推廣兩地喺文化同藝術方面嘅連繫。
肥平唔單止見咗安省文化/法語事務廳長梅若，亦見埋安省人權專員，佢今晚重會為香港芭蕾舞劇《不死傳奇》喺北美首演做主禮嘉賓。肥平之後就會返港，媽打就喺溫哥華接團長棒，表演完再帶個團落三藩市演出。
傳真︰2623-9278
電郵︰