噚日去電盈貝沙灣項目參觀示範單位，裝修豪華唔在講，入面重有好多古董。電盈基建業務主席李智康同八方講，呢個示範單位用咗兩個多月時間日夜趕工先至完成，個陣時一日要做足十五個鐘。捱得咁辛苦都唔殘，當然係保養得好，佢話最緊要飲水同食燕窩，每兩個星期做一次facial。
咁大個項目單靠一個人勤力都唔得㗎，八方問佢點trainup成班同事。李智康話，最好係等一班員工有親身體驗。佢話經常帶夥計去食豪華餐，一圍枱要逾萬蚊，重叫食肆經理吩咐侍應，要講好多次多謝。跟住問班同事，間食肆嘅食物好唔好食？招呼好唔好？然後同佢哋講，人哋收你萬幾蚊已咁好招呼，你哋賣一個千萬豪宅，服務態度係咪要好一千倍呢？班同事即刻有所啟發，賣完樓，唔使佢教都會自動恭送個客去到門口。
由此觀之，李主席年薪逾千萬，做足十五個鐘亦應該呢。
（圖）李主席年薪逾千萬，莫講話食燕窩，用燕窩漱口都冇問題啦。
傳真︰2623-9278
電郵︰