鄭大班一走，全港市民，少咗一把嚴苛而又慈愛嘅聲音，同佢做咗十年拍檔嘅林旭華，雖然被指係「慢打鑼」大配角角色，但個節目冇咗佢，又確係差啲嘢咁。林旭華話認識大班二十幾年，只係見過佢流兩次淚，一次係當年大班被斬，喺醫院度攬住啲朋友喊，第二次就係封咪前錄音。
雖然同大班做咗十年拍檔，但林旭華話最遺憾係至今未能令大班尊重智識產權，林旭華無講明何出此言，只係無奈咁歎咗聲氣。
大班老友則爆料，原來大班不時會返內地消費，通常會有朋友幫佢拖住個裝滿DVD影碟嘅行李篋過關，大班亦好大方，成日將啲「筍嘢」公諸同好，聞說商台唔少人都受過佢恩惠，唔怪得林旭華有感而發啦。
（圖）𠵱家朝早再聽唔到鄭大班同林旭華一齊做節目，真係令好多人唔多慣。
傳真︰2623-9278
電郵︰