曾志偉及劉德華投資近四千萬元製作的電影《江湖》，因題材敏感而在內地三度送檢失敗，志偉更坦言該片在內地「冇得翻生」。但日前長沙市的青少年宮影院竟公然播映盜版《江湖》，票價十元人民幣，令志偉非常激氣和震驚，華仔亦感愕然。
由曾志偉、劉德華、張學友、陳冠希及余文樂主演的電影《江湖》，志偉及華仔均是投資者之一，製作費更高達四千萬元。不過因該片題材涉及黑幫，被內地文化部以沒有內地演員參演及題材不適合為由，三度送檢仍未獲通過，令該片無法在內地上映。
因《江湖》在內地禁播，志偉早前曾稱因而損失五百萬元電影版權費及八百萬元VCD版權費。但昨日有內地報道指長沙市的青少年宮影院，竟公然違例播映《江湖》的盜版，票價每張只需十元人民幣，團體買票更可再獲折扣優惠，難怪志偉昨聞訊後亦大感激氣。
報道指長沙市青少年宮影院日前公開上映《江湖》，電影並已播放兩天，而市民在購票後，影院工作人員便帶觀眾走進一間數碼影像廳，欣賞質素欠佳的盜版，不過工作人員卻指這是「不正常放映的電影」，有如此效果已算不錯。
其實內地很多城市均有青少年宮這類供青少年課外活動的場所，而青少年宮又大多是公營，所以這次在長沙市青少年宮發現上映盜版影片，足見內地盜版的情況極其猖獗。
志偉及華仔昨日同於寧波出席紀念柯受良的《飛越理想演唱會》，記者昨致電志偉問到他對《江湖》盜版公然在內地戲院播放有何感想時，他說：「我噚日都接到朋友嘅電話，話發現套戲喺內地有盜版，今日你哋話我知有戲院上埋部戲，我都唔知點算，好傷腦筋！呢套戲我投資咗成三、四千萬，我亦都好畀心機拍，估唔到會咁，好激氣！又冇晒辦法。」
志偉續說：「內地上唔到部戲，保守估計損失咗一千三百萬，我第二次送檢時重加插多啲警察嘅戲同正面訊息，但都係唔批，內地一定冇得上，亦冇得出VCD，係冇得翻生，要睇下以後內地嘅法例能唔能夠放寬啦。」問志偉會否考慮追究長沙青少年宮時，志偉語氣無奈地說：「我完全諗唔到嘢，有啲嘢係冇法制止，不如你哋教吓我點做啦！」
而華仔昨日得悉此事後亦大感愕然，他在電話中說：「內地唔上得住㗎喎！乜咁心急呀？佢哋係咪喺密室播呀？咁唔得㗎喎。大家咁想睇，作為演員都覺得開心嘅，但作為投資者，唉！我會同志偉研究吓先。」
此外，志偉昨日和女兒曾寶儀及吳宗憲等，於寧波體育館為《飛越理想演唱會》擔任司儀，與華仔、任賢齊、蘇永康及陳曉東等一起紀念柯受良。
採訪：蔡如育（香港）、比華利（香港）、胡比（寧波）
攝影：陳烱威（寧波）
