古巨基的「拉闊音樂會」將於本月中舉行，門票已經換領完畢，不過有歌迷趁機將兩張門票放在網上拍賣，結果被炒至千多元成交。基仔得悉此事後，呼籲歌迷等他在紅館舉行個唱，才出錢捧場。
古巨基近日正忙於籌備及綵排本月中舉行的「拉闊音樂會」，並請來鄭中基出任嘉賓。早前商台開始公開換票，並已於幾日內換清，但仍有不少歌迷四出撲飛，於是商台決定在會展多加千多個座位，以應需求。
日前本報在雅虎網站內，發現有人將兩張古巨基的「拉闊」門票公開拍賣，底價六百八十元，結果以一千零七十五元成交，比起不少紅館演唱會的最高價門票還要貴。基仔日前與音樂總監鄧建明於唱片公司開會，提到炒飛一事，他說：「有咁多人咁捧場，啲飛去得快，我梗係超級開心啦！但啲飛係要用分換，唔使錢嘅，我當然唔贊成歌迷使咁多錢去買飛，唔知咁樣同賣黃牛有冇分別呢？咁唔啱數喎。」
基仔續道：「如果要畀錢買，不如等我喺紅館開演唱會時先啦，我本來打算明年初開，𠵱家音樂會反應咁好，Paco同我傾緊要唔要提早到今年底開，要睇檔期配唔配合到先。」
基仔當日與鄧建明傾談揀歌事宜，只見他滿臉鬚根，基仔說：「呢排好忙，要搞『拉闊』嘅嘢，又要趕寫稿，要出第二本Kubi漫畫書，都幾攰。」基仔與鄧建明開完會後，兩人乘機打機輕鬆一番，基仔說：「呢排咁忙，我好耐冇打機，等我做完音樂會要打番夠本。」
採訪：蔡如育