羅致光決定今年唔選立法會，社會工作者總工會會長張國柱隨即宣布接力參選，盛傳都會循社會福利界功能組別出戰嘅香港社會服務聯會行政總裁方敏生，噚日仍然唔肯表態，只係一味展露佢堂家姐陳方安生嗰款招牌笑容，「四萬」咁口話會積極考慮，重話會喺母親節當日宣布。
方敏生話揀母親節宣布參唔參選冇乜特別意思，只係因為星期一至星期六都鬼咁多嘢做，係星期日先至得閒啲。如果方敏生唔選立法會，八方認為佢大可以學堂家姐咁去做官，因為佢嘅笑容真係好似陳太，非常親切，市民應該好受。
（圖）方敏生嘅笑容十足堂家姐陳方安生咁。
傳真︰2623-9278
電郵︰