蒙嘉慧、唐寧、魏駿傑、唐文龍和關禮傑昨日在油麻地為無綫劇集《廉政行動2004》進行攀石大賽。由於眾人均須繫上安全帶，故令不少男藝員下體現形，魏駿傑更即場取笑唐文龍下體腫脹，傑仔說：「我都唔敢同佢比下去，之前都有聽聞過㗎，早知唐文龍嚟我唔嚟喇，你睇方中信都唔敢嚟。」說罷身旁的唐文龍即顯得十分尷尬。
問唐文龍是否感尷尬，他說：「都尷尬，不過唔會唔開心，我下次一定回禮畀佢，可能方中信重驚為天人，你睇傑仔咁健碩，我都只敢認第三，第一梗係傑仔啦。」問蒙嘉慧可有大開眼界時？她說：「着呢啲一定係咁，唔好玩佢（唐文龍）啦。如果佢着泳褲出嚟，我就真係大飽眼福喇。」
採訪、攝影：王崇穎