余文樂、曾志偉和劉德華等前晚在佐敦出席新片《江湖》慶功宴，身為該片監製的志偉表示因內地不能上映而感遺憾，但希望內地旅客自由行來香港時，可以順便欣賞。
談到《江》片毀譽參半，志偉說：「我聽講有超過七成年輕觀眾鍾意呢套戲。」志偉透露本月二十八日會為演藝人協會搞籌款，目標是籌三百萬元，為協會買會址，方便會員聯誼。志偉說：「何鴻燊率先買咗兩張枱，佢畀咗一百萬，但何生話捐番其中一張枱出嚟。」
此外，余文樂日前到上海為內地劇《鄧小平．1928》上歷史課，他說：「佢哋畀咗好似黃頁咁厚嘅資料我睇，我了解到鄧小平為人好聰明、有遠見同有領導才能。」
採訪：馮美茵、魯萍 攝影：林德雄、陳志嵐