周麗淇（Niki）與鄭嘉穎因拍攝無綫劇集《翡翠戀曲》成為好友，Nikki表示雖然從未嘗試追男仔的滋味，但卻樂意為自己的幸福而爭取，免得將來後悔莫及。
周麗淇與鄭嘉穎於無綫新劇《翡翠戀曲》中首度合作，劇中二人演繹一段女追男感情戲，雖然現實中未擦出花火，但二人的表現依然很有默契，更因而成為好友，日前他倆相約在網球場切磋球技。
原來一向熱愛運動的嘉穎是網球高手，當日他大顯身手之餘，更充當教練，教導小師妹Niki網球基本功。Niki雖然對網球一竅不通，但同樣熱愛運動的她表現有板有眼，不過在對打時卻怕被網球擊中，不時「嘩嘩」大叫，非常搞笑。
自小學三年級已接觸網球的嘉穎，揚言今次的訓練是教導三至五歲的初級班，被問到小師妹的表現時，他說：「佢之前話畀我聽唔做運動，網球係第二難嘅，佢比我想像中好，都OK㗎！」Niki隨即笑說：「今次可以偷吓師，唔使畀錢，又可以學嘢，我記得教練（嘉穎）講嗰句『一味靚啲』（揮拍的姿勢）就得㗎喇！」
Niki在《翡》劇中要主動追求嘉穎，但現實生活中，Niki從未試過主動追求異性，她說：「我冇咁大膽，女仔點都有矜持好啲，而且我係一個比較傳統嘅人。不過𠵱家我都會覺得要為自己幸福努力，第時要後悔就慘啦！」而嘉穎亦大表贊同，他說：「感情係冇得勉強嘅，我就冇女仔追喇，始終覺得男仔追女仔好啲。」
採訪：羅慧敏 攝影：陳偉權
