愛駒「駿河」早前贏咗女皇盃嘅馬會主席夏佳理，相信冇乜人會懷疑佢選馬嘅眼光，但係原來佢年輕時都係頑童一名。話說夏佳理噚日去香港大學做香港青年協會「青年領袖教室」嘅演講嘉賓，同年輕一輩講吓應變之道，就踢爆咗佢兒時嘅一啲趣事，佢話由於二次大戰關係，七歲至正式入學，讀預科時期就曾經試過俾學校罰停學兩個星期，後來更因為成績唔夠讀大學，先至要媽咪籌錢供佢去英國讀大學。
八方聽到主席咁講，都認同佢一句英雄莫問出處，雖然馬會平日已經致力慈善，但係主席仍然不遺餘力，馬會下星期五又會首次喺沙田馬場公眾席舉行一個「馬會愛心萬歲宴」活動，邀請二千五百位長者義工出席，其中重有一名九十五歲重與義工服務嘅婆婆現身說法，講吓做義工嘅心得。
（圖）夏佳理噚日去香港大學做香港青年協會「青年領袖教室」嘅演講嘉賓。
傳真︰2623-9278
電郵︰