張燊悅早前在日本拍攝蕭正楠的音樂特輯，扮演對方幻想世界內的虛擬女郎。鏡頭前，兩人在櫻花樹下談情熱舞，浪漫無限，但鏡頭後，他們卻被大風狂吹，凍到不停打冷震。
張燊悅在蕭正楠的音樂特輯中擔任女主角，扮演對方幻想出來的虛擬女郎，早前她隨隊到日本拍外景，前後逗留七天，取景地包括東京和仙台。
上月是日本櫻花盛放的季節，張燊悅和蕭正楠完成東京的戲份後，便坐五小時車程到仙台拍櫻花景，以襯托兩人談情說愛的浪漫感覺。未料仙台卻颳起大風，將大量櫻花吹落，結果大隊再經四個小時的車程尋尋覓覓，才找到較完整的櫻花樹，但兩人拍攝時，遭大風無情狂吹，仍打冷震繼續扮甜蜜。
張燊悅日前在電話中說：「嗰日拍櫻花景，我諗氣溫只得幾度，我哋係咁俾風吹，又驚啲櫻花吹甩晒，所以拍得幾趕。拍嘅時候又有個日本男人係咁攞住個手提電話影我相，我又食緊風喎，不過佢都好，請我食墨魚燒同埋燒糯米糰。」
問張燊悅跟蕭正楠有否親熱鏡頭？她說：「有，佢有首歌講跳舞嘅，我要除咗對鞋企喺佢身上跳舞，又要好纏綿咁攬住佢，但拍嘅地方係喺公園入面，所以都有啲唔好意思。」
問張燊悅對蕭正楠有何感覺？她說：「有樣嘢我幾意外，佢由朝到晚不停煲碟睇戲，一路學習，佢幾敬業樂業，呢個男仔都有啲腦袋㗎。」
採訪：朱倬誼
