麥浚龍（Juno）幾位內地歌迷熱愛偶像的程度令人驚訝，早前他們不但趁假期抽空到港出席Juno小型音樂會，更有歌迷改戶籍來親近偶像，而Juno為了答謝他們，請他們到餐廳吃飯，他又答應內地fans會安排到內地演出。
雖然Juno從來沒有推出過國語碟，但他在內地仍吸引一批瘋狂歌迷，早前有六位fans專程趁「五一黃金周」的假期來港與偶像見面，他們分別來自佛山、廣州及深圳。
據知其中一位歌迷阿琨本來原籍天津，其後為了方便來港欣賞Juno的演出，不惜更改戶籍到廣州，她表示：「有一次我喺天津大學睇到播放Juno嘅VCD，後來重圍咗成二千人喺度睇㖭，我自己亦都好欣賞佢，不過因為天津比較難買香港歌手嘅碟，所以我就改戶籍去到廣州做嘢，咁就可以方便我買到Juno嘅碟同埋落嚟香港睇佢演出。」
Juno為了答謝一班內地歌迷對他的愛戴，於完成工作後更抽空與他們到自己最喜愛的皇后餐廳品嘗美食，席上幾位fans除了能和偶像合照外，他們更早已準備了多隻Juno的新大碟索取簽名。
事後Juno也答應他們盡快到內地舉行簽名會，他說：「我知道佢哋嚟香港最少都要使成五千蚊，所以我今次一定要請佢哋食番餐好嘅，同埋我都應承佢哋會叫公司盡快安排我去內地演出或者舉行簽名會。」
