姊妹花組合2R近日成為網上遊戲代言人，日前二人以「炎之女神」及「風之女神」的造型拍攝硬照，她們的漫畫look更會成為遊戲主角，穿梭網絡世界。2R今次做代言人，除有六位數字酬勞外，亦有分紅落袋，認真和味。
女子組合2R近日應邀擔任網上遊戲代言人，廣告商為二人度身訂做一款名為RomanceRondoOnline、簡稱2ROnline的新遊戲，日前兩姊妹在柴灣一間影樓內拍攝廣告硬照，前後共花了十個小時拍照，二人各有五個造型。
2R日前穿上古裝，姊姊Rosanne的造型為「炎之女神」，妹妹Race則扮「風之女神」，至於其他造型尚有仙子、村姑、女戰士及魔法師。
2R日前在電話中說：「今次我哋有好多唔同嘅造型，覺得好科幻同好得意，細個嘅時候，我哋都有打game，成日都幻想自己係game入面嘅人物，諗唔到呢次終於有機會，而且又可以賺錢，廣告商重肯畀我哋參與意見㖭！」
2R又被繪成卡通漫畫，擔任遊戲機內的主角，由於2R對繪畫甚有興趣，故廣告商也讓她們在漫畫造型上給予意見。2R異口同聲說：「我哋都叫做可以做小小designer，幫手設計game入面嘅一啲造型，重有同電腦程式研究員傾吓啲意見，再由佢哋去設計。」
未知2R對酬勞是否滿意？她們說：「滿意呀，有六位數字酬勞，同埋我哋係呢隻game嘅全世界代言人，所以任何地方都有機會喺網上見到我哋。我哋覺得個廣告商好好，我哋除咗有錢賺之外，重會有分紅，即係愈賣得多，我哋就愈賺得多，所以我哋一定會畀心機落力推銷，做多啲宣傳。」
採訪：朱倬誼
