8號仔電盈近期動作多多，上星期開股東會通過將地產業務注入東方燃氣公司，跟住又建議削減股本溢價，消息人士話自從積蘇入咗去做旗手之後，一直希望能早日派息，對股東有個交代。
積蘇噚日同曹Sir、陸叔等名股評家同傳媒食飯，明言會盡快爭取派息，希望自己成為電盈首位派息總裁，但幾時派則冇透露。其實佢份工一啲都唔易做，八方問佢返工時間，佢答朝八晚八，唔怪之得手下都唔敢偷懶。
咁佢由地鐵跳槽電盈，要有乜撒手鐧，積蘇話最重要係資源運用，包括財務及人力，更推介前IBM總裁LouisGerstner著作《WhoSay'sElephantCan'tDance?》，話好好睇。呢本書內容係講Louis當年臨危受命入去IBM後嘅經驗，如何將一個老牌企業轉型成功。
八方又問積蘇有冇用過最新嘅3G服務，佢笑住唔答，可能知道答有定冇一樣會死。
傳真︰2623-9278
電郵︰