澳門賭業隨住賭權開放勢將風起雲湧，其中由威尼斯人集團投資嘅金沙賭場經已差不多準備就緒，美聯社噚日報道話，佢哋可能會喺下星期一開幕，不過重搵緊風水師擇個吉日，五月十八日似乎係賭場開業嘅好日。到時候，二百五十張賭枱同六百部老虎機將恭候大批南下嘅內地貴客同香港人過大海耍樂。
八方噚日問過金沙嘅公關，對方唔肯講幾時正式開幕，總之就係密鑼緊鼓，遲啲會宣布咁話。
八方問過堪輿學家麥玲玲，佢話五月十八日係「定日」，算係中吉嘅日子，用嚟開張都OK，但有時啲偏門生意鍾意揀啲特別嘅日子，例如「閉日」咁。可能金沙老細始終係鬼佬，對風水呢家嘢另有見解。
傳真︰2623-9278
電郵︰