噚日係立法會捐血日，十位慷慨捐輸嘅議員李華明、單仲偕、葉國謙、蔡素玉、曾鈺成、張宇人、楊孝華、馬逢國、梁富華同陳偉業。體內流住「香港血」嘅當奴曾就no騷，但成為談論焦點。大嚿陳偉業話，如果見到當奴，一定叫佢唔好捐，因為佢嘅血已經換晒「中央血」，不幸輸咗當奴嘅新血嘅港人肯定出現排斥，會併發頭暈腳軟、有氣冇力症狀。
逃過血光之災嘅司徒華連隨話，醫生勸佢唔好捐血，但佢話「我嘅血肯定同曾蔭權唔同」。
有高血糖同高膽固醇嘅曾鈺成要靠食藥控制，但佢話唔會影響啲血，至於佢係咪流緊「香港血」，曾前主席好嚴肅咁話：「我嘅血用嚟救人，無論係乜血，救到人嘅就係好血。」
傳真︰2623-9278
電郵︰