混血女模AmandaStrang昨日往中環出席護髮活動，她透露有暗戀對象，對方是高大英俊的外籍男士。Amanda煩惱地表示兩人雖然已開始約會，但仍未算「撻着」，最大的障礙是她不想太過主動，失掉女性的矜持。
名模AmandaStrang、陳沛嘉及向均羚等，昨日往中環國際金融中心Isola意大利餐廳出席卡詩護髮活動。剛自台北拍畢電訊廣告回來的AmandaStrang，昨日自爆已有心儀對象。
Amanda說：「我已經有年幾兩年冇拍拖，早排喺朋友介紹下識咗個外籍男仔，佢條件好好，高大靚仔，啱啱識嗰陣佢重有女友，但係𠵱家就分咗手啦。」
Amanda續說：「我真係對呢個男仔好有意思，大家都成日通電話，同有出嚟食飯，但係始終重未算係拍拖。自己係女仔點都做唔出太主動，而且爸爸成日教我，女仔應該係俾人追嘅。」
記者笑言何不發揮魅力電對方，Amanda苦惱地說：「電唔到呀，佢係外國人，我唔知佢其實鍾唔鍾意我哋呢啲模特兒呢？」
此外，早前還與男友甜蜜蜜往外地旅行的陳沛嘉，宣布經過一個月冷靜期後，正式分手，她說：「早排我工作上好多阻滯，經理人成日幫我推job，男友唔單止唔明白我嘅壓力同唔開心，重反而投訴我唔陪佢，既然唔可以一齊承擔壓力嘅，倒不如分手啦。」
採訪、攝影：DebbieLum
