胡杏兒、李彩樺（Rain）和陳敏之等一班劇集《下一站彩虹》演員，昨日到將軍澳一間中學玩塗鴉做宣傳，不過眾人就變成人肉布景板，不時被學生和老師要求簽名和合照。
胡杏兒本月十六日將起程到雅典拍攝奧運特輯，但近日雅典發生炸彈襲擊，胡杏兒聞言說：「都有少少驚，相信公司會安排好多人保護我哋，我哋福大命大，總之有乜就速逃囉。我信命，有乜不測都好難避開，所以我冇買保險嘅習慣。」
而無綫外事部助理總監曾醒明對於雅典發生爆炸事件，他說：「我哋重了解緊，唔希望係恐怖襲擊，可能只係個別例子。我哋都派咗隊人去視察環境，知道係安全我哋先會畀藝員出現，除非到時環境好惡劣，先考慮取消。」
採訪：駱華齡
攝影：陳烱威