財爺唐英年媽媽唐尤淑圻（圖右），母憑子貴近日人氣急升，今年母親節成為追訪對象，事關唔少人八卦想知道呢位特首大熱之母嘅教仔之道。唐媽媽接受新城電台訪問時透露，唐家家教有兩條最重要，就係誠實同唔揀飲擇食，前者唔使多講，後者則有特別因由，原來唐媽媽認為偏食會令人肥，「唔偏食就唔會肥。」因此佢從來唔使減肥。
唐媽媽又話從來唔過問仔女如何理財，只要求佢哋儲錢，佢一年只會買生日禮物同聖誕禮物畀細路，其他日子想買新玩意，就要自己科水，都幾君真。唐媽媽又話母親節除咗值得慶祝，佢亦會檢討吓自己係咪稱職嘅媽咪，𠵱家仔大女大，就檢討吓自己係咪稱職嘅嫲嫲。
傳真︰2623-9278
電郵︰