舒淇昨日出席洗髮水宣傳活動，她表示早前拍畢《見鬼2》後，不能抽離角色，經常疑神疑鬼，尤其最害怕黎明時分。舒淇聽說鬼怪在天光時會回家，故她單獨乘搭電梯和獨自上洗手間時，都會感到害怕。
舒淇昨日穿上大露背花裙出席洗髮水海倫仙度絲的宣傳活動，大會安排了女模特兒扮美人魚，躺在舒淇身邊。
舒淇表示早前拍畢電影《見鬼2》後，不能抽離角色，她說：「女藝人拍嗰啲戲，好難抽離，我拍完之後都有感覺，有時會疑神疑鬼，但唔係精神分裂，我有時一個人搭𨋢或去廁所，會有啲驚。我寧願拍開心戲，咁冇咁heavy。演員通常有精神病，我又鍾意虐待自己，好彩我係一個好開心嘅人。」舒淇緋聞男友黎明曾表示當年拍攝電影《甜蜜蜜》後，要用九個月時間才能抽離角色，黎明認為抽離不到是因為腦後神經失控所致。
而每當百無聊賴之時，舒淇便會不停幻想，她說：「我天黑嘅時候反而唔怕，我反而怕天光，我聽人講，啲鬼會喺天光時趕返屋企。」
下周日是母親節，舒淇打算返台灣陪母親度過，她說：「我會陪佢行街食飯，佢唔鍾意我哋畀錢同買禮物。」
此外，舒淇日前接受雜誌訪問，表示覺得自己很幸運，她說：「我嘅幸福來自朋友嘅支持，同周圍嘅保護，心情好就自然開心。」問到當年為何大膽往拍三級片，她說：「我諗細路女唔怕死。記得當年拍《色情男女》，我拍之前一直喊，張國榮一直喺我身邊鼓勵我。」
採訪：王連連
攝影：陳志嵐
