鬍鬚仔曾俊華上位做工商及科技局局長八個幾月，一直都有幸避得開香港呢個爛氹，飛嚟飛去，剛去完海南博鰲論壇，又同當奴去咗粵西湛江同陽江訪問交流。佢同八方講，計過做呢個位大約三分之一嘅時間在外，冇得歸家。
香港𠵱家政治拗不停，搞工商科研好過啦。曾俊華星期六返港，噚日又馬不停蹄去科大參觀，聽校長朱經武講解納米科技同微型電子嘅研究，高科技考曾俊華唔起，因為佢老哥係MIT理科出身，有底。
講兩講，曾局長都係忍唔住講吓審計署話佢哋科研基金蝕大本嘅報告。佢話全世界venturecapital都好難要求一定回到本，因為係長遠投資。而如果有一兩個項目成功應用，就乜都歸本，以最近新科有限公司收購應科院嘅「光電子封裝技術」為例，當局就一次過得到一億幾嘅收益，係資助額嘅三倍，以後重可以分享三年嘅營運收益㖭。曾俊華係MIT仔，佢做事，港人放心多啲。
傳真︰2623-9278
電郵︰