有人講阿扁可能會拆「中華民國」招牌，好多藍營嘅支持者都好擔心，唔知捱得幾耐？
八方記得以前讀大學嗰陣嗰位朱立老師，佢嚟自台灣，一家肯定都係國民黨擁躉，朱老師同朱師母育有三個孩子，分別以中、華、國嚟做名字。
八方最近有機會再逢已轉到浸會任教嘅朱立老師，佢重津津樂道當年佢奉父命，生孩子要以「中華民國」改名嘅故事。按佢老父嘅原意，生仔叫盛中，女叫盛華，點知朱師母頭兩個都生女，朱立老師改咗個大女叫盛華之後，第二個女就急不及待叫盛中，因為唔知下一個生男定女，結果朱師母完成一半使命，為朱家再添一個男孩，就叫盛國。
朱老師常笑說自己一家不注重人民，因為只生了三個。朱立去年已屆六十，從傳理學院院長退了下來，當浸大媒介與傳媒研究中心主任，佢最近去咗英國劍橋做兩個月訪問學人；一講劍橋，就諗起陳之藩嘅「劍河倒影」，朱老師唔知會唔會都投番兩篇稿，寫下劍橋新貌。
傳真︰2623-9278
電郵︰