薛家燕(好姨)、馬浚偉、趙頌茹(阿Yu)、鄭伊健、2R、黃伊汶和吳浩康等,前晚在尖沙嘴出席新城娛樂台主辦的「家天下母親節千人萬歲宴」,眾歌手跟台下眾母親人馬大玩遊戲和送上康乃馨做禮物,現場一度混亂。
好姨並代表送贈一條價值兩萬多元的鑽飾吊墜給現場年紀最大的八十五歲母親何婆婆。馬浚偉亦在後台親吻好姨,預祝她母親節快樂。
阿Yu前晚眼腫腫出現,她解釋說:「因為啱啱瞓醒,唔知係咪患咗渴睡症,瞓到懵晒,媽咪都有問我諗唔諗到嘢,我同佢講有人肉記事簿(即助手)。」吳浩康接拍了無綫新劇《學警雄心》,問到可是接替辭演的周永恆(阿Roy),他說:「我好早接嘅,我個角色唔係阿Roy嗰個。」
此外,鄭伊健、鍾鎮濤和蔡卓妍昨日出發到泰國拍戲,對於當地有暴亂事件,他們表示並不擔心。
採訪:駱華齡 攝影:仇志德