離開Morning娘之後發展麻麻嘅後藤真希，近年推出嘅唱片都冇乜話題，又愈來愈少人請佢上音樂節目，佢要谷人氣，最佳方法都係推出寫真吸引班寫真迷。而後藤喺全新寫真集《PRISM》入面都算幾博㗎喇，除咗以多款泳衣上陣之外，亦喺鏡頭前大晒喺衣櫃入面嘅私家bra，算係誘惑吓fans咁啦。
後藤再次推出寫真集，今次感覺冇上次咁小妹妹，佢着嘅泳裝唔再咁cutie，可以發現佢今次主要揀啲睇落成熟少少嘅比堅尼着上身，好似黑色嘅三點式或者係有啲老氣嘅橙色蝴蝶結bratop，都托起後藤嘅大個女氣質。不過，相信唔少男fans一定好欣賞佢嗰套紅色比堅尼，完全騷晒後藤由上至下fit得嚟好均勻嘅身材。
除咗有價有市嘅水着之外，後藤亦以多款打扮出現，有啲好成熟，有啲就好casual咁做番自己，佢重打開咗個衣櫃拍照。攝影師特登要將後藤同櫃中掛住嘅衣物一齊入鏡，當中重有個殘舊嘅bra，睇嚟係有意令fans想入非非。
不過搞到幾誘惑都冇用啦，全輯相後藤個樣都鬼咁殘，後生細女咁快連應有嘅活力都冇埋，真係戥佢可憐喇！