余文樂與陳冠希前晚在銅鑼灣接受訪問，宣傳新片《江湖》，原本曾志偉亦到場，但他日前往大連公幹，因當地天氣問題未能如期返港。
問陳冠希在《江湖》片中的人獸交一場戲是否因其廣告商不滿而被刪，他表示：「一定唔係，係電檢處要cut。我咁辛苦拍，都希望大家睇到，拍呢場戲我學咗好多嘢，我會爭取DVD保留番。」
陳冠希又謂渴望拍同性戀或變態殺手的戲，他說：「因為呢啲角色要演技，不過如果要我三十樓跳落嚟嗰種就唔會接。」
而曾志偉在接受長途電話訪問時說：「套戲單係五月一日就有二百幾萬票房，即係三日已收過五百萬，我喺內地見到好多盜版，好嬲，所以我唔想再攞上去審批，上到都賺得唔多，算啦，咁重可以參選金馬獎，台灣五月十三日上。」
採訪、攝影：陳梅香