任志剛去立法會，每次都同劉慧卿特別投緣，唔係任總特別「感激」卿姐提問，就是卿姐特別「關照」任總與金管局開支，一句講晒，有任總同卿姐在，財經事務委員會嘅會議就特別「溫馨」。
噚日代表前綫嘅劉慧卿，因出席帳目委員會會議，所以遲咗現身金管局嘅會議，本來任志剛已經講完該局營運開支，但任總好細心，見卿姐錯過咗呢一環節，就特別補飛，更講明係因為感激劉議員一向對該局關心，所以再講多次。不過，卿姐始終係卿姐，依然覺得金管局無滿足佢嘅要求，又提醒任總「位高勢危」同「位高權重」，用錢要算過度過。
周日先飛天出事嘅飛天朱一向甚少現身，噚日就有開會，重問得相當到家。佢重拋任總，問宏觀調控影響香港嘅說法理據何在？會晤會言論震盪重大過調控實際震盪？搞到任總都笑笑口話，發言都會審慎啲。
（圖）任總噚日特別為卿姐講多次金管局嘅營運開支。
傳真︰2623-9278
電郵︰