一度被視為中方紅人嘅鍾瑞明自從前年冇做行政會議後，行情一直載浮載沉，舊年九月更辭咗房協主席，雖然近期有傳出佢會出任房委會分拆商場同停車場上市嘅新公司主席，亦傳入市建局，點知都係流料。噚日終於有佢新消息，上海地產界富豪許榮茂嘅世茂中國，就搵咗鍾紅人做行政總裁兼執行董事。八方記得鍾紅人喺房協年代，曾高調話房協應返大陸發展，𠵱家佢終於坐言起行，加入專做上海物業嘅公司，總算貫徹始終。
鍾紅人回歸前做過土地基金行政總裁，之後做過中銀、怡富基金、中富控股等，但都唔做得長。𠵱家佢仍係房委會委員，今次做地產公司高層，會唔會俾人話有利益衝突？
（圖）鍾瑞明坐言起行返大陸發展。
傳真︰2623-9278
電郵︰