由楊海成揸fit的澳門實德公司，噚日贊助澳門國際見習騎師邀請賽部份賽事，請咗唔少香港知名人士捧場，包括賭王何鴻燊、新晉賭后何超瓊、滙豐總經理柯清輝、玩具大王蔡志明夫婦及女兒，連一向低調嘅鄭裕彤夫人周翠英，都同彤叔一齊過大海。
八方問彤叔有冇落注，佢話「我唔買，我啱啱嚟到先問呢場跑第幾班，證明我唔知道啦」。彤叔重反叫八方畀「貼士」，等佢跟住買，認真識講笑。
另一邊廂，何超瓊就同一班太太團夾份買馬，八方八唔到佢哋買邊隻，只係知道有啲斬獲，何小姐重同太太團講，「都唔知點分（錢），一於繼續煲落去」，果然有賭后本色喎！
（圖）一向低調嘅鄭裕彤夫人周翠英（右），同何超瓊似乎好好傾。
傳真︰2623-9278
電郵︰