有讀者於美容中心接受暗瘡療程後，雙頰翌日既紅又腫，事後更不斷長出含膿暗瘡，治療暗瘡不成更弄巧反拙。皮膚科醫生指皮膚呈紅腫屬過敏反應，並非如美容中心所言般屬正常，且應在皮膚呈穩定的狀況下進行療程，避免對皮膚構成傷害。
陳小姐（化名）於三月底透過雜誌介紹，前往位於旺角中心的瑪姬美容，花了一萬一千八百元選購柔光療程，治療其臉上的暗瘡。進行四次療程後，她向職員提出臉部仍長出暗瘡，且暗瘡印亦頗礙眼，職員游說她轉做暗瘡療程。她遂多花四千九百元，並於四月二十一日第一次接受暗瘡療程。
接受療程後當晚，她已感到雙頰呈紅，但她未有為意。至翌日早上，她才赫然發現臉頰既紅又腫。事後，她向瑪姬美容投訴，但幾經交涉，職員仍表示皮膚敏感屬正常反應，拒絕退款。「佢哋係咁話谷晒啲污糟嘢出嚟重好，但邊有可能醫唔好暗瘡不特止，重搞到又紅又腫，跟住重標到成臉都係暗瘡㗎！」
瑪姬美容纖體容貌創作中心有限公司負責人謝小姐回應本報查詢時表示，陳小姐接受了四次柔光療程（彩光療程的一種，性質較溫和）後，因感到臉上仍有暗瘡印，故職員建議她加錢轉做暗瘡療程。
當日，職員替陳小姐完成暗瘡療程後，陳小姐即場並無表示不妥，該公司至翌日才接到她的來電，表示臉頰又紅又腫，及長出不少暗瘡。
該公司事後曾聯絡陳小姐見面並檢視其臉頰，發現只是因為陳小姐皮膚較薄，屬反應過敏而已。她稱，「做療程後出現敏感係好正常，加上我哋將佢皮膚底層的污糟嘢推晒出嚟，佢咪出晒啲含膿的暗瘡囉。」
負責人謝小姐強調，她曾向陳小姐表示可接手處理其情況，並建議她轉做其他更溫和的療程，但遭拒絕，堅持交由醫生治理。「治理暗瘡係需要長時間，其實佢的情況係必經的階段，而且療程又冇為她帶來傷害，冇留疤痕，所以我哋係唔會安排退錢！」
（○五○一○○二）
皮膚科醫生史泰祖表示，投訴人雙頰又紅又腫已屬過敏反應。「雖然皮膚出現敏感係經常有，但唔代表係正常。即場冇事，到第二朝早先出現敏感，唔代表唔關個療程事，敏感唔一定即時出現的。而且谷晒啲污糟嘢出嚟的講法好輸打贏要，冇暗瘡就話療程有效，出暗瘡又話谷晒啲污糟嘢出嚟。」
他指出，處理暗瘡皮膚應在皮膚穩定的情況下進行治療，避免對皮膚造成傷害。而治療暗瘡應透過醫生，需耐性地持續吃消炎藥，塗藥膏，內外配合，才能收效。
服務熱線
電話：29908288
傳真：23702192
電郵：